Við kynnum nýja virkni er gerir viðskiptavinum kleift að senda áminningar með einum smelli í SMS eða tölvupósti. Þannig má með einföldum hætti minna á undirskriftir sem beðið er eftir.
Virknin er nú þegar aðgengileg öllum notendum Drop & Sign. Áminningar má senda beint úr færsluskránni þar sem notendur hafa yfirsýn yfir öll undirritunarferli og geta fylgst með hverjir eiga eftir að undirrita.
Í færsluskránni má einnig sækja skjöl með þeim undirritunum sem komnar eru á hverjum tíma. Einfalt er að bæta við undirskriftum í skjalið með því að stofna nýtt undirritunarferli, draga skjalið aftur inn í Drop & Sign og senda á nýja undirritendur.
Filter í leitarniðurstöðum ️️
Við höfum einnig bætt leitina í færsluskránni. Nú er hægt að filtera leitarniðurstöður eftir undirritunarbeiðnum er bíða undirritunar, undirritunarbeiðnum sem er ólokið og þeim sem er lokið.
Rafrænir reikningar
Nú geta notendur með stjórnendaréttindi (e. admin) sjálfir stillt tegund og afhendingu á reikningum fyrir sitt fyrirtæki. Hægt er að velja um hefbunda reikninga á PDF sniði eða rafræna reikninga senda með XML skeytamiðlun. Eftir að búið er að vista stillingar tekur breytingin sjálfkrafa gildi við næstu útsendingu reikninga.
Virknin er aðgengileg Drop & Sign notendum með admin réttindi.
Undirrituð skjöl beint í skjalakerfið þitt
Við minnum á að Taktikal býður upp á Rest API þjónustur fyrir nánast alla virkni í lausnum okkar. Við mælum sérstaklega með að viðskiptavinir sendi gögn beint í sín skjala- og málakerfi með vefþjónustum með þægilegum og öruggum hætti. Notendur með stjórnendaréttindi (e. admin) geta nálgast auðkennislykla fyrir API þjónustur á app.taktikal.is
Vissir þú
- Að Taktikal les sjálfkrafa inn PDF eyðublöð og breytir þeim í rafræn ferli þar sem hægt er að safna upplýsingum og undirrita rafrænt.
- Að Taktikal býður upp á onboarding ferli fyrir AML eftirlitsskylda aðila ásamt PEP/Sanctions uppflettingum.
Þjónustuver Taktikal
Hafir þú spurningar eða vanti þig aðstoð má hafa samband við þjónustuver Taktikal á netfangið hjalp@taktikal.is en einnig bendum við á https://taktikal.is/help þar sem má finna gagnlegar upplýsingar og senda inn beiðnir á þjónustuver Taktikal.