Sérfræðingar í rafrænum traustþjónustum
Taktikal er skipað reynslumiklu starfsfólki á sviði stafrænnar vöruþróunar í rafrænum undirskriftum og öðrum traustþjónustum. Taktikal hjálpar fyrirtækjum að endurhanna og sjálfvirknivæða ferla fyrir rafrænar undirskriftir er skila sér í hraðari afgreiðslu, hagkvæmni í umsýslu skjala, minni rekstraráhættu og betri upplifun viðskiptavina.
Öruggar rafrænar undirskriftir
Undirskriftir eru útfærðar samkvæmt tæknilegum kröfum um fullgildar undirritanir og nota undirritunarþjónustu Auðkennis sem er á traustlista Evrópusambandsins fyrir undirskriftir. Undirskriftir eru enn fremur langtímaundiritanir (LTV) sem þýðir að undirritanir halda gildi sínu eftir að skilríki undirritenda falla úr gildi.
Við erum stoltir styrktaraðilar
Okkur finnst mikilvægt að styrkja þá sem eru að gera góða hluti í samfélaginu. Við erum stoltir styrktaraðilar Krabbameinsfélagins, UnWomen á Íslandi og Unicef.
Teymið okkar
Forstöðumaður viðskiptaþróunar
Við leitum að forstöðumanni viðskiptaþróunar til að leiða vaxtartækifæri á nýjum mörkuðum.
Um er að ræða nýja stöðu hjá fyrirtæki þar sem starfsfólk hefur bein áhrif á vöruþróun, frábæra vinnuaðstöðu í Borgartúni 27 með eitt besta mötuneyti landsins og útsýni yfir Esjuna.
Sjá atvinnuauglýsinguUI/UX hönnuður
Við leitum að hæfileikaríkum viðmótshönnuði fyrir stafræna vöruþróun Taktikal.
Um er að ræða hlutastarf með möguleika á fullu starfi og spennandi verkefnum þar sem starfsfólk hefur bein áhrif á vöruþróun og frábæra vinnuaðstöðu í Borgartúni 27.
Sjá atvinnuauglýsinguViðurkenningar
Tækniþróunarsjóður
Taktikal hefur hlotið 50 milljón króna styrk frá Tækniþróunarsjóði Rannís til þróunar á Fill & Sign sjálfvirkum rafrænum eyðublöðum. Taktikal hefur áður hlotið 20 milljón króna styrk frá Tækniþróunarsjóði til þróunar á onboarding lausnum. Sjóðurinn heyrir undir iðnaðar- og viðskiptaráðherra og starfar samkvæmt lögum um opinberan stuðning við tæknirannsóknir, nýsköpun og atvinnuþróun.
Íslensku vefverðlaunin
Fill & Sign lausn Taktikal hefur unnið til Íslensku vefverðlaunanna sem stafræn lausn ársins. Verðlaunaafhending fór fram þann 27. mars 2020.
Lesa meira um Fill & Sign
Vaxtarsprotinn
Taktikal hefur hlotið viðurkenningu Vaxtarsprotans 2018 fyrir öflugan vöxt á meðal sprotafyrirtækja. Vaxtarsprotinn er samstarfsverkefni Samtaka iðnaðarins, Samtaka sprotafyrirtækja, Háskólans í Reykjavík og Rannsóknarmiðstöðvar Íslands.